რუსეთის საგარეო უწყება ნატო-საქართველოს საერთო სამხედრო სწავლებებს ეხმაურება და ამბობს, რომ აღნიშნული რეგიონის სტაბილურობისა და მშიდობისთვის საფრთხის შემცველია:

"თავისი შეშფოთების შესახებ არაერთხელ განუცხადებიათ საქართველოს სხვა მეზობლებს, აფხაზეთსა და სამხრეთ ოსეთსაც. ნატო არ მალავს, რომ თბილისთან ეს სამხედრო პარტნიორობა რუსეთის "შეკავების პოლიტიკას" უკავშირდება. ის როლი, რომელსაც საქართველო ამ კონტექსტში ასრულებს, რუსეთ-საქართველოს შორის ურთიერთობის დალაგების პოზიტიურ პროცესს ართულებს".

უწყების მიერ გავრცელებულ განცხადებაში ასევე გამახვილებულია ყურადღება იმაზე, რომ აღნიშნულ სამხედრო სწავლებებში მონაწილეობას 13 ქვეყნის 250 სამხედრო პირი იღებს და საქართველოში ის უკვე მესამედ ტარდება. ასევე ხაზგასმულია, რომ ამ სწავლებების შედეგად საქართველოს ჯარი ნატოს სტანდარტების შესაბამისად ვითარდება.