პარტია მოქალაქეების ლიდერს, ალეკო ელისაშვილს, კიდევ ერთი ბრალი წარუდგინეს. ადვოკატ გიორგი რეხვიაშვილის განცხადებით, ელისაშვილს ბრალად ედება პოლიციელ შოთა ჭიპაშვილის შეურაცხყოფა. ადვოკატის განმარტებით, ელისაშვილმა პოლიციელს "არაკაცი" უწოდა.

"მწამებელ ადამიანს ალეკო ელისაშვილმა უწოდა არაკაცი და ზუსტად "არაკაცია" ის სიტყვა, რის გამოც დღეს ბრალი წარუდგინეს ალეკო ელისაშვილს... მას ეღიმება ამ საქმეზე," — განაცხადა რეხვიაშვილმა.

ალეკო ელისაშვილს ბრალი სისხლის სამართკის კოდექსის 366-ე მუხლით წარუდგინეს, რაც გულისმობს "სასამართლოს უპატივცემულობა, რაც გამოიხატა მონაწილის შეურაცხყოფით". აღნიშნული მუხლი ერთ წლამდე თავისუფლების აღკვეთას ითვალისწინებს. შოთა ჭიპაშვილი ელისაშვილის ტერორიზმის საქმეზე მოწმის სახელით დაიკითხა.

ალეკო ელისაშვილის წინააღმდეგ, დღევანდელი (2026 წლის 31 ივლისის) ახალი ბრალის ჩათვლით, ჯამში 4 ბრალდება/ეპიზოდი ფიგურირებს.

1. ძალადობის გამოყენებით ჩადენილი დევნა — 2024 წლის დეკემბერში ელისაშვილი დააკავეს ქართული ოცნების წევრ ალი ბაბაევზე განხორციელებული თავდასხმის გამო.

მას ბრალი სსკ-ის 156-ე მუხლის მე-2 ნაწილის "ა" ქვეპუნქტით აქვს წარდგენილი, რაც ძალადობით დევნას გულისხმობს;

2. ტერორისტული აქტის მცდელობა (I ეპიზოდი). ბრალდების თანახმად, ალეკო ელისაშვილმა 2025 წლის 29 ნოემბერს სასამართლო კანცელარიის დაწვა ცადა.

3. ტერორისტული აქტის მცდელობა (II ეპიზოდი). ოპოზიციონერმა პოლიტიკოსმა სასამართლო კანცელარიის დაწვა 2026 წლის მარტშიც ცადა;

ტერორიზმი მუხლით წარდგენილ ბრალდებებზე ელისაშვილს 13 წლით თავისუფლების აღკვეთა მიესაჯა.