კორონავირუსის გავრცელების პრევენციისთვის თურქეთის 31 ქალაქში ორდღიანი კომენდანტის საათი დაწესდა. ამის შესახებ ინფორმაციას თურქული მედია ავრცელებს.

მათი ინფორმაციით, კომენტანტის საათი 10 აპრილის ღამის 12 საათიდან ამოქმედდა და 12 აპრილის ჩათვლით გაგრძელდება.

საგანგებო რეჟიმის დარღვევაზე ჯარიმა 3 150 ლირა იქნება.

ბოლო მონაცემებით, თურქეთში კორონავირუსით ინფიცირების 47 ათასზე მეტი შემთხვევაა დადასტურებული. მათ შორის გარდაცვლილია ათასზე მეტი ადამინი და გამოჯანმრთელებულია 2 ათასზე მეტი.