საქართველოში კორონავირუსით კიდევ ერთი, მესამე ადამიანი გარდაიცვალა. თბილისის ინფექციური საავადმყოფოს დირექტორის, თენგიზ ცერცვაძის თქმით, გარდაცვლილია 86 წლის ქალი, რომლის მდგომარეობა მათ კლინიკაში ყველაზე მძიმე იყო.

"იგი 2 კვირაზე მეტს ხანს მკურნალობდა ჩვენთან. მას ჰქონდა მძიმე თანმხლები ნევროლოგიური დაავადება. მძიმე პნევმონია. პრაქტიკულად არ იყო დარჩენილი ჯანმრთელი ფილტვის ქსოვილი. ჰქონდა მძიმე სეფსისი და სხვა მძიმე გართულებები. ექიმებმა ყველაფერი გააკეთეს, ვფიქრობ უფრო მეტიც, ვიდრე ადამიანს შეუძლია გააკეთოს", — განაცხადა თენგიზ ცერცვაძემ.

თენგიზ ცერცვაძის თქმით, ინფექციურ საავადმყოფოში მკურნალობენ გარდაცვლილის შვილებიც. მისი ინფორმაციით, ისინი უკვე გამოჯანმრთელდნენ და მალე იგეგმება გაწერა.

საქართველოში კორონავირუსით ინფიცირების 7 ახალი შემთხვევაა და ჯამში ინფიცირებულთა რაოდენობა 195-მდე გაიზარდა. დადასტურებულ შემთხვევებს შორის გამოჯანმრთელებულია 45 ადამიანი. კარანტინის რეჟიმში 4 735 პირი რჩება, ხოლო, სტაციონარში მეთვალყურეობის ქვეშ 383 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: