ქუთაისში სწრაფი ჩარიცხვის აპარატი მოიპარეს. ამის ამსახველი კადრები მთავარმა არხმა გაავრცელა. მათივე ინფორმაციით, შემთხვევა კომენდანტის საათის დროს მოხდა და აპარატი ურიკით მოიპარეს.

შინაგან საქმეთა სამინისტროში სწრაფი ჩარიცხვის აპარატის მოპარვის ფაქტს ადასტურებენ, თუმცა იმას, რომ შემთხვევა კომენდანტის საათის დროს მოხდა — არა. როგორც On.ge-ს უწყებაში განუცხადეს, მომხდარზე გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს. მათივე ინფორმაციით, იდენტიფიცირებულია ის პირიც, რომელმაც აპარატი მოიპარა.