ამერიკის პრეზიდენტად არჩეული დონალდ ტრამპი აცხადებს, რომ, კედელი მექსიკასთან, რომელიც მისი კამპანიის ნაწილი იყო, განხორციელდება, თუმცა ის ნაწილობრივ ღობის სახით იქნება წარმოდგენილი. ინფორმაციას BBC ავრცელებს.

"ზოგიერთ ნაწილში, აუცილებელია რომ იყოს კედელი, თუმცა რამდენიმე ადგილას ღობეც შესაძლოა იყოს" - განაცხადა მან CBS-სთან საუბრისას.

ტრამპი საპრეზიდენტო არჩევნების კამპანიისას, აქტიურად იმეორებდა, რომ ის ააშენებდა კედელს მექსიკასთან, რათა მისი თქმით, ამერიკა არალეგალური ემიგრანტებისგან დაეცვა.

მან თქვა, რომ აპირებს ციხეში ჩასვას ან დაადეპორტიროს 3 მილიონზე მეტ არალეგალი ემიგრანტი, რომლებსაც კრიმინალური წარსული აქვთ. მით უფრო ისინი, რომლებიც დაჯგუფებების წევრები და ნარკოტიკების გამსაღებლები არიან.