პარლამენტის გენდერული საბჭო პანდემიის დროს ქალთა ეკონომიკურ საქმიანობაზე ზიანის კვლევას ჩაატარებს. ამის შესახებ უმრაველესობის წევრმა, ნინო წილოსანმა განაცხადა.

მისი თქმით, კვლევის შედეგად შემუშავდება რეკომენდაციები, რომელიც დაეხმარება როგორ ქალებს, ასევე მთავრობას, რათა პრობლემა ეფექტურად აღმოიფხვრას.

"კვლევის მიზანია, გავარკვიოთ, რა ზიანი მიადგა ან მიადგება ქალთა ეკონომიკურ აქტივობას პანდემიის დროს და შევიმუშავოთ ის რეკომენდაციები, რომელიც მათთვის იქნება დამხმარე ინსტრუმენტი, ასევე მთავრობისთვის, რომელმაც უნდა შეიმუშავოს ეკონომიკის სტიმულირებისა და წახალისების პროგრამა. ეს იქნება მათ მიერ აქტიურად გამოყენებული", — განაცხადა წილოსანმა.