ფოთის აგრარულ ბაზარში კორონავირუსის პრევენციისთვის ფული უთოვდება, ხურდებს კი დეზინფექციას უკეთებენ. ვიდეო სოციალურ ქსელში სხვადასხვა მედიასაშუალებამ გაავრცელა.

"ფული შემოდის, უკეთდება სტერილიზაცია, დეზინფექციას გადის. მერე ეს ფული ისევ სტერილიზდება და უთოვდება", — აცხადებს ფოთის ბაზრის ადმინისტრაცია.

ვიდეოში ჩანს, რომ ბაზარში შემსვლელებს ტემპერატურას უზომავენ. ასევე ისმის მოწოდება, რომ შესვლის წინ მოქალაქეებს მოუწოდებენ ხელთათმანების გარეშე ბაზარში არავინ შევიდეს.

პირველ აპრილს სამეგრელო-ზემო სვანეთის სახელმწიფო რწმუნებულმა, ალექსანდრე მოწერელიამ განაცხადა, რომ აგრარულ ბაზრებს გაფრთხილება მისცეს, რომ რეკომენდაციების დაუცველობის შემთხვევაში დახურავდნენ. მათ შორის იყო ფოთის აგრარული ბაზარიც.

რამდენიმე დღის წინ დააავადებათა კონტროლის ცენტრის დირექტორის მოადგილემ, პაატა იმნაძემ განაცხადა, რომ ფულის დეზინფექციისთვის გაუთოება მარტივი მეთოდია.