თეთრმა სახლმა ინფორმაცია გაავრცელა, რომ აშშ-ს პრეზიდენტს დონალდ ტრამპს კორონავირუსი არ დაუდასტურდა. პრეზიდენტს ტესტი მეორედ ჩაუტარეს და ამჯერად, სწრაფი ტესტით. ამის შესახებ თეთრი სახლის კორესპონდენტი, ფრანჩესკა ჩემბერსი წერილს ტვიტერზე აქვეყნებს, სადაც წერია, რომ ნეგატიური პასუხი 15 წუთში მიიღეს.

2 აპრილს თეთრ სახლში გამართულ ბრიფინგზე ტრამპმა თქვა, რომ მან ტესტი "ცნობისმოყვარეობის გამო გაიკეთა, რათა გაეგო, რამდენად სწრაფად მუშაობს ის".

დონალდ ტრამპი კორონავირუსზე ერთი თვის წინ, მარტში შეამოწმეს, მას შემდეგ, რაც ვირუსით ინფიცირებულ ბრაზილიელ პოლიტიკოსთან ჰქონდა კონტაქტი. გარდა ამისა, დონალდ ტრამპს შეხება ჰქონდა არაერთ პირთან აშშ-ში, რომელთაც ვირუსი დაუდგინდათ.

2 აპრილს მსოფლიოში კორონავირუსით ინფიცირებულთა რაოდენობა მილიონს გასცდა. მათ შორის, 51 ათასზე მეტი ადამიანი გარდაიცვალა და 208 ათასი გამოჯანმრთელდა. აშშ-ში ყველაზე მეტი ინფიცირებულია. იქ, სულ მცირე, 234 462 შემთხვევა აღრიცხეს. მას მოსდევს იტალია ყველაზე მეტი დაღუპილით და ესპანეთი, სადაც 100 ათასს გადაცდა დადასტურებულ შემთხვევათა რიცხვი.