ისრაელის ჯანდაცვის მინისტრს, იაკოვ ლიცმანსა და მის ცოლს, ჩავა ლიცმანს კორონავირუსი დაუდასტურდათ. ინფორმაციას ამის შესახებ BBC ავრცელებს.

71 წლის ჯანდაცვის მინისტრი ამ დროისთვის ყველაზე მაღალი თანამდებობის პირია ისრაელში, რომელსაც კორონავირუსი დაუდასტურდა. წყვილი ამჟამად იზოლაციაშია.

ისრაელის პრემიერმა გასულ თვეში გამოაცხადა, რომ ქვეყანაში ჩასული ყველა ადამიანი 14 დღის განმავლობაში თვითიზოლაციაში უნდა დარჩენილიყო. პრემიერმა, ბენიამინ ნეთანიაჰუმ კი თქვა, რომ აღდგომის, პასექის და სხვა დღესასწაულები ყველამ მხოლოდ ოჯახის წევრებთან ერთად უნდა აღნიშნოს.

ისრაელში კორონავირუსით ინფიცირების 6 000-ზე მეტი შემთხვევა დასტურდება, გარდაცვლილია 26 ადამიანი.

ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად 11 მარტს გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: