Hulu-მ ახალი სერიალის პირველი ტრეილერი გამოაქვეყნა, რომელზეც ტელეარხ BBC Three-თან ერთად მუშაობდა.

Normal People — ასე ჰქვია ახალ სატელევიზო შოუს, რომელიც ირლანდიელი მწერლის, სალი რუნის 2018 წელს გამოქვეყნებული ამავე სახელწოდების მქონე ბესტსელერის მიხედვით გადაიღეს.

აღსანიშნავია, რომ ამ რომანმა მკითხველებთან ერთად კრიტიკოსების დადებითი შეფასებებიც დაიმსახურა: წიგნი მოხვდა ბუკერის პრემიის გრძელ სიაში და The Guardian-მა 21-ე საუკუნის 100 საუკეთესო წიგნს შორის დაასახელა.

სწორედ ამ გახმაურებული რომანის მიხედვით გადაღებული სერიალის ტრეილერი გავრცელდა ცოტა ხნის წინ:

სერიალი მისი პირველწყაროს, სალი რუნის ბესტსელერის მსგავსად ახალგაზრდა წყვილის აკრძალული სიყვარულის შესახებ მოგვითხრობს: მარიანისა და კონელის მაღალ კლასში დაწყებული უერთიერთსაწინააღმდეგო გრძნობებით სავსე ურთიერთობა კოლეჯშიც გრძელდება.

სერიალში მთავარ როლებს დამწყები მსახიობები, დეიზი ჯონსი და პოლ მესკალი ასრულებენ.

Normal People სულ 12 ეპიზოდისგან შემდგარი სერიალი იქნება, რომლის პირველი ექვსი სერია ოსკაროსანი ფილმის, Room-ს რეჟისორმა, ლენი აბრაჰამსომა გადაიღო, დანარჩენი ექვსი სერია კი ჰეტი მაკდონალდმა (Beautiful Thing, Doctor Who).

სერიალის სცენარზე თავად წიგნის მწერალმა, სალი რუნიმ იმუშავა. გადაღებები კი ირლანდიაში, იტალიასა და შვედეთში მიმდინარეობდა. ტრეილერთან ერთად იხილეთ ახლადგავრცელებული ფოტოებიც სერიალიდან:

ფოტო: Hulu

ფოტო: Hulu

ფოტო: Hulu

ფოტო: Hulu

ფოტო: Hulu

სერიალის პრემიერა 26 აპრილსაა დაგეგმილი.