აშშ-ში კორონავირუსით დაღუპულთა რიცხვმა 3 ათასს გადააჭარბა. დაღუპულთა რიცხვით აშშ იტალიის, ესპანეთისა და ჩინეთის შემდეგ მეოთხე ქვეყანაა.

ბოლო მონაცემებით, აშშ-ში კორონავირუსით ინფიცირების 164 ათასზე მეტი შემთხვევაა დადასტურებული, 6 000-მდე ადამიანი კი უკვე გამოჯანმრთელდა.

აშშ-ს პრეზიდენტმა დონალდ ტრამპმა განაცხადა, რომ თუ კორონავირუსით გარდაცვლილთა რაოდენობა 100 000-ზე მეტი არ იქნება, ეს იმას ნიშნავს, რომ შესანიშავნავად იმუშავეს. მისივე თქმით, აშშ კორონავირუსით გარდაცვალების პიკს 2 კვირაში მიაღწევს და ამის შემდეგ, ვირუსის გავრცელება კლებას დაიწყებს.