კანადის პრემიერმინისტრის, ჯასტინ ტრუდოს ცოლი კორონავირუსისგან გამოჯანმრთელდა. ამის შესახებ სოფი ტრუდომ ფეისბუქზე დაწერა:

"ძვირფასო მეგობრებო, მინდა გითხრათ, რომ თავს ბევრად უკეთ ვგრძნობ, ექიმების დიაგნოზით კი კორონავირუსისგან გამოვჯანმრთელდი".

სოფიმ საზოგადოებას მოუწოდა იზოლაციაში დარჩენილიყვნენ და ერთმანეთთან სოციალური ქსელებითა და სატელეფონო ზარებით კონტაქტი არ შეეწყვიტათ.

"მჯერა მეცნიერების და ვიცი, რომ ამ კრიზისს თავს დავაღწევთ. ჯანდაცვის სპეციალისტებს დავუჯეროთ და პროტოკოლს ნუ გადაუხვევთ, დარჩით სახლში".

სოფი ტრუდოს ვირუსი 12 მარტს, ლონდონში ვიზიტის შემდეგ დაუდასტურდა.