John Lewis ბრიტანული მაღაზიათა ქსელია, რომელიც ყოველ წელს, საშობაოდ, ახალ სარეკლამო რგოლებს უშვებს.

John Lewis-ის ვიდეო რგოლები ცნობილია იმით, რომ ყოველი მათგანი სიყვარულით, ნოსტალგიით და სითბოთია აღსავსე. ცხადია, ამ ტრადიციიდან არც წელს გადაუხვევიათ. ახალი საშობაო რგოლის მთავარი გმირი ბოქსიორის ჯიშის ძაღლი ბაქსტერია.

ვიდეო ერთი ოჯახის საშობაო დილას აღწერს. ხტუნვის მოყვარულ გოგოს, მამა ეზოში საჩუქრად ნაყიდ ბატუტს აუწყობს, რომელზეც ღამის განმავლობაში ცხოველები ხტიან და ერთობიან. ბაქსტერს თვითონაც უნდა ახალ ბატუტზე ხტუნვა, მაგრამ მას გარეთ გასვლის საშუალება არ აქვს. დილას, როდესაც გოგონა გაიღვიძებს და თავის ახალ საჩუქარს ნახავს, კარის გაღებისთანავე ბაქსტერი გავარდება და პატარა პატრონს ბატუტზე ასვლას დაასწრებს.

"საჩუქრები, რომლებიც ყველას გაუხარდება" - წლევანდელი კამპანიის სლოგანია.

აქვე გთავაზობთ წინა წლების რგოლებსაც:

2016 - თოვლის ბურთი

2015 - ადამიანი მთვარეზე

2014 - პინგვინი მონტი

2013 - დათვი და ბოცვერი

2012 - მოგზაურობა

2011 - ლოდინი

2010 - მზრუნველები

2009 - საყვარელი ბავშვები

2008 - შენ ჩემგან

2007 - ჩრდილები

John Lewis-ის კამპანიები ერთ-ერთი წარმატებულია მსოფლიოში, მაღაზიათა ქსელის გაყიდვები ახალი რგოლის გამოსვლისთანავე იზრდება. მაგალითად, 2014 წელს, პინგვინი მონტის შეძენა ბრიტანეთში თითქმის შეუძლებელი იყო, რადგან სათამაშოს მარაგი რგოლის გამოსვლიდან რამდენიმე დღეში ამოიწურა.