Freewrite ჭკვიანი საბეჭდი მოწყობილობაა, რომელსაც კომპიუტერის მსგავსი დიზანით, სრული ზომის მექანიკური კლავიატურითა და შიდა მეხსიერებით, მხოლოდ წერის დანიშნუულება აქვს.

პროგრამა Wi-Fi-ს მეშვეობით, ფაილების Dropbox-ზე, Everenote-ზე და Google Drive-ზე შენახვას უზრუნველყოფს. ასევე, მას შეუძლია ერთ მილიონზე მეტი გვერდი დაიტიოს.

როგორც მიმომხილველები წერენ, ახალი თაობის საბეჭდი მოწყობილობის ხიბლი იმაში მდგომარეობს, რომ ვინც მას იყენებს, ყურადღება არ გადააქვს სხვა ფუნქციებზე და მთლიანად კონცენტრირებულია წერაზე. რაც შეეხება კომპიუტერს, ტაბლეტსა და სმარტფონებს, ასეთი რამ, პრაქტიკულად, შეუძლებელია მათი მრავალფუნქციურობიდან გამომდინარე.

კომპანია იმედოვნებს, რომ საბეჭდით მანქანით პროფესიონალი და მოყვარული მწერლები დაინტერესდებიან. სამიზნე ჯგუფს სწორედ ისინი წარმოადგენენ, ვინც მიიჩნევს, რომ წერისთვის შესაფერისი გარემო, ელფოსტების, სოციალური მედიისა და სხვა ყურადღების გამფანტავი საშუალებების გარეშე, მნიშვნელოვანია.

ფრივრაითი უკვე ხელმისაწვდომია და მისი ფასი $449-ს შეადგენს.