დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

ოკუპირებულ აფხაზეთში საგანგებო მდგომარეობა გამოცხადდა. შესაბამისი ბრძანება დე ფაქტო პარლამენტმა უკვე დაამტკიცა. საგანგებო მდგომარეობა 28 მარტიდან 20 აპრილამდე იმოქმედებს.

როგორც სახელისუფლებო გამოცემა აფსნიპრესი წერს, საგანგებო მდგომარეობის დროს დე ფაქტო ხელისუფლებას შეუძლია შეზღუდოს მოქალაქეთა გადაადგილება, აკრძალოს შეკრება, მანიფესტაცია და გაფიცვა, ასევე, გამოაცხადოს კარანტინი და დააწესოს კომენდანტის საათი.

კორონავირუსის გავრცელების შემდეგ აფხაზეთის დე ფაქტო მთავრობამ ე.წ. საზღვრები ჩაკეტა, რუსეთის გარდა კი სხვა ქვეყნის მოქალაქეებს ტერიტორიაზე შესვლა აუკრძალა. ამ დრომდე დე ფაქტო ხელისუფლებას კორონავირუსის შემთხვევის შესახებ ოფიციალურად არ დაუდასტურებია.

საქართველოში კორონავირუსით ინფიცირებულთა მაჩვენებელი 81 გაიზარდა. ამათგან 13 უკვე გამოჯანმრთელდა. კარანტინის რეჟიმში არის 4505 ადამიანი, სტაციონარში მეთვალყურეობის ქვეშ — 247

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: