იუსტიციის მინისტრის, თეა წულუკიანის თქმით, ე.წ. ზონაში მყოფმა პატიმრებმა ციხის შიდა ეზოში ჯანდაცვის სამინისტროს რეკომენდაციები უნდა დაიცვან. ამ თემაზე მან მთავრობის ბრიფინგზე ისაუბრა და პატიმრებს და მათ ოჯახებს გაგებისთვის მადლობა გადაუხადა.

"მექნება რჩევა, რეკომენდაცია, რომ ვინაიდან დადგა გაზაფხული და ასეულობით ე.წ. ზონაში მყოფი პატიმარი იმყოფება ციხის შიდა ეზოში, მათ უნდა დაიცვან ჯანდაცვის სისტემის მიერ გაწეული რეკომენდაციები რაც შეეხება ერთმანეთისგან დისტანციას და სხვადასხვა იმ წესს, რომელიც ციხის პირობებში ყოველდღიურად ვრცელდება", — თქვა თეა წულუკიანმა.

მინისტრის თქმით, იუსტიციის სამინისტროს მომავალი კვირაში უკვე ექნებათ გეგმა, როგორ გახდეს ციხე უფრო ჩაკეტილი და დახურული სივრცე, რომ კორონავირუსის აღმოფხვრამდე გარედან შიგნით ვირუსისი იმპორტი არ მოხდეს. წულუკიანის განმარტებით, ეს არ გულისხმობს იმას, რომ ე.წ. ზონაში მყოფი პატიმრები დახურულ ციხეებში გადავლენ.