ნატო-საქართველოს სამხედრო სწავლება 2016 დღეს დაიწყო და 20 ნოემბრამდე გაგრძელდება. როგორც თავდაცვის მინისტრის მოადგილემ, ლელა ჩიქოვანმა განაცხადა, აღნიშნული სწავლება ნატოს მხრიდან საქართველოს მტკიცე მხარდაჭერის დასტურია.

ნატოს გენერალური მდივნის სპეციალურმა წარმომადგენელმა, ჯეიმს აპატურაიმ კი თავის Facebook გვერდზე საქართველოს აღნიშნული სწავლებების დაწყება მიულოცა:

"ნატოსთვის ეს ასახავს ალიანსის ვალდებულებებს, რომ დაეხმაროს პროექტის სტაბილურობას, გაუზიაროს საქართველოს ცოდნა და გამოცდილება, ასწავლოს ჩვენს სამხედრო ძალებს ერთად".

იმედის ცნობით, საქართველოს სამხედრო ძალების გენერალური შტაბი ალიანსის კრიზისებზე რეაგირების პროცესს პირველად უხელმძღვანელებს. გარდა ამისა, პირველი შემთხვევაა ასევე, რომ ქართული ჯარისა და ნატოსი მიერ სწავლება ერთობლივად დაიგეგმა.

ნატო-საქართველოს სამხედრო სწავლება, რომელიც საქართველოში უკვე მეორედ იმართება, ნატო-საქართველოს არსებითი პაკეტის ფარგლებში ტარდება.