უკრაინის უმაღლესი რადის დეპუტატმა, ნადეჟდა სავჩენკომ აშშ-ს ახალ პრეზიდენტს, დონალდ ტრამპს მოუწოდა, რომ აშშ-მ შეინარჩუნოს და კიდევ უფრო გააძლიეროს რუსეთის წინააღმდეგ დაწესებული სანქციები:

"ამ წერილით მინდა მივაპყრო თქვენი ყურადღება საერთაშორისო მხარდაჭერის პრობლემისა და უკრაინის ტერიტორიული მთლიანობის დაცვისკენ, რადგან აშშ, როგორც ქვეყანა, ყოველთვის იცავს დასავლეთ ევროპის ფასეულობებს მთელ მსოფლიოში და ყოველთვის ეხმარებოდა უკრაინელ ხალხს".

სავჩენკოს თქმით, არ არსებობს სხვა ერი, რომელიც ისეთი დიდი ყურადღებით ადევნებდა თვალს აშშ-ს პრეზიდენტის არჩევნებს, როგორც უკრაინა:

"მოგმართავთ თხოვნით, რომ შეინარჩუნოთ და გააძლიეროთ რუსეთის წინააღმდეგ დაწესებული სანქციები".

გარდა ამისა, სავჩენკომ ტრამპს ასევე სთხოვა, რომ უკრაინას საერთაშორისო, ტექნიკური და სამხედრო დახმარება აღმოუჩინოს.

9 ნოემბერს, უკრაინის პრეზიდენტმა, პეტრო პოროშენკომ კი იმედი გამოთქვა, რომ დონალდ ტრამპის გამარჯვების შემდეგ, აშშ უკრაინის მხარდაჭერას განაგრძობს.