ხობისა და ფოთის მიტროპოლიტი, მეუფე გრიგოლი კორონავირუსთან დაკავშირებით, ამბობს, რომ უფლის გამოცდის ნაცვლად, სასულიერო პირები საღ აზრს უნდა მიენდნონ. მისი თქმით, სჯობს ახლა განიკითხონ, ვიდრე შემდეგ მოუწიოთ არასაკმარისი გონიერების გამო მიღებული მძიმე შედეგების ატანა.

მიტროპოლიტის თქმით, დღეს აქვთ უნიკალური შესაძლებლობა, რათა წარმოაჩინონ თუ რა რესურსი აქვს სახელმწიფოს და ეკლესიას საიმისოდ, რომ უმაღლეს დონეზე და მასშტაბურად ითანამშრომლონ.

"მე ვხედავ, რომ შექმნილი მდგომარეობის ცალმხრივად განხილვა აპოკალიფსის ჭრილში გამოუსწორებელ ზიანს აყენებს ადამიანის პატიოსან და გულწრფელ რწმენას ღვთის მიმართ და მის სულიერ ორიენტაციას; ასევე, უნდა ითქვას, რომ ის ზიანს აყენებს თვით საეკლესიო ინსტიტუციასაც[...] მიჭირს იმის დაჯერება, რომ ვინმე სასულიეროთაგანს მიაჩნდეს თითქოს არსებული მდგომარეობა და მისგან მომდინარე საფრთხისგან მრევლის დაცვა/განრიდება ჯვარცმული ქრისტესა და ქრისტიანობის ღალატს ნიშნავს?!"— წერს მეუფე გრიგოლი.