ევროპის პარლამენტის პრეზიდენტმა, მარტინ შულცმა განაცხადა, რომ იმედი აქვს, დონალდ ტრამპის აშშ-ს პრეზიდენტად არჩევის შემდეგ, მხარეები რაციონალურ თანამშრომლობას შეძლებენ. ინფორმაციას Reuters ავრცელებს.

მისი თქმით, აღნიშნული ადვილი არ იქნება, რადგან საპრეზიდენტო კამპანიის წარმართვისას, ტრამპისგან ისმოდა პროტექციონიზმის ელემენტები, ასევე ამაღელვებელი გამოსვლები ქალებსა და სხვადასხვა უმცირესობაზე:

"მაგრამ გამოცდილებიდან ვიცი, რომ წინასაარჩევნო კამპანია, როგორც წესი, განსხვავდება ხოლმე იმ რეალობისგან, რასაც პოლიტიკოსები ატარებენ ხოლმე. ამიტომაც, იმედს ვიტოვებ, რომ გვექნება რაციონალური ურთიერთთანამშრომლობა".

შულცმა ასევე ხაზი გაუსვა, რომ ტრამპის წინასაარჩევნო კამპანიიდან შედეგად, მის საწინააღმდეგოდ უამრავი მოქალაქე განეწყო, ამიტომ ახლა მის წინაშე დგას ამოცანა, რომ აშშ-ს პოლარიზებული მოქალაქეები გააერთიანოს:

"ტრამპის როლი დიპლომატიაში გამოიცდება ყოველდღიურად, ისეთ საკითხებთან მიმართებაში, როგორებიცაა: სირია, ერაყი, უკრაინა, ლიბია. დაწყებულ გლობალური დათბობიდან, დამთავრებული ნატოს მიმართ ერთგულებით".

აშშ-ს 45-ე პრეზიდენი რესპუბლიკელი დონალდრ ტრამპი გახდა. მას საპრეზიდენტო არჩევნებში დემოკრატი ჰილარი კლინტონი დაამარცხა.