საქართველოს ეროვნული ლატარიის განცხადებით, მათი და საქართველოს ფოსტის ერთობლივი გადაწყვეტილებით, მაღალი სოციალური პასუხისმგებლობიდან გამომდინარე, კორონავირუსის გავრცელების თავიდან ასაცილებლად, ამასთანავე, საკუთარი მომხმარებლების ჯანმრთელობის დაცვის მიზნით, ხვალიდან, 21 მარტიდან, ლატარიის ჯიხურები მთელი საქართველოს მასშტაბით იხურება.

ასევე, დროებით ჩერდება კომპანიის სერვისცენტრების ფუნქციონირება, რომლებიც განლაგებულია დიდ სავაჭრო ცენტრებში. ჩვენი კომპანიისთვის უპირველესი გახლავთ ადამიანების ჯანმრთელობა და სწორედ ამიტომ, გადავდივართ გაყიდვების ონლაინ რეჟიმში, კერძოდ, ლოტო 6/42-ის და ყოველდღიური ლოტო 5/35-ოქროს ბურთის ბილეთების შეძენა შესაძლებელია საიტზე, რისთვისაც კომპანიის ვებგვერდზე უნდა გაიაროთ რეგისტრაცია და ვერიფიცირება.

რაც შეეხება ჩვენს მომენტალურ გადასაფხეკ ლატარიას - საგანგებო მდგომარეობის პირობებში მათი შეძენა მომხმარებლებს შეუძლიათ სასურსათო ქსელებში - კარფური, მაგნიტი, სპარი, ზღაპარი. ავერსის აფთიაქებში და ბენზინგასამართ სადგურ გალფის სტორებში. მოგებული 100 ლარამდე თანხის განაღდება კი შესაძლებელია საქართველოს ფოსტის სერვისცენტრებში, ხოლო სხვა მოგებების - თიბისი ბანკი' ფილიალებში.

დამატებითი ინფორმაციისთვის მიმართეთ კომპანიის საინფორმაციო ცენტრს ნომერზე 0322 007700

საქართველოს ეროვნული ლატარია გისურვებთ ჯანმრთელობას!