"მოულოდნელად თავს დამტყდარი მთელი ეს აურზაური", — ერთ კომენტარში ჯიპიაი ჰოლდინგის გუნდის ერთერთმა წევრმა ალბათ ყველაზე კარგად აღწერა არსებული სიტუაცია. უკვე წლებია გვესმის, რომ მსოფლიოს არა ერთ ქვეყანაში კომპანიები დისტანციური მუშაობის რეჟიმზე გადადიან. რამდენ მასალას გადააწყდებით ამ პროცესის დადებით და უარყოფ მხარეებზე, თუმცა დღევანდელმა მოცემულობამ ბევრად უფრო რთული ამოცანის წინაშე დაგვაყენა, ვიდრე ოფისსა და სახლს შორის არჩევანია. ერთ სივრცეში უნდა მოვთავსდეთ ყველა — ოჯახის წევრებით დაწყებული, შინაური ცხოველებით დამთავრებული. თან ისე, რომ შორიდან სწავლასა და თუ მუშაობაში ხელის არავის შეეშალოს.

მოცემულია სამოთახიანი ბინა, ოჯახში ოთხი წევრია, ორი მუშაობს, ორიც სწავლობს. ამოცანა გვეკითხება, როგორ ვანაწილებთ მათ ერთ სივრცეში ისე, რომ საქმე ყველამ დროულად გააკეთოს და ლანჩზეც სამზარეულო თავისუფალი იყოს? რიგ შემთხვევებში, განტოლების შესადგენად, უფრო მეტი უცნობის გამოყენება დაგჭირდებათ და აქ მარტო უმაღლესი მათემატიკა არ გიშველით, საუკეთესო ხერხი გამოცდილების გაზიარებაა.

უკვე ერთი კვირაა ჯიპიაი ჰოლდინგის თანამშრომლების 95% დისტანციურად მუშაობს. დარჩით სახლში, ჩვენ დაგაზღვევთ, — ახალი ამოცანა დაისახა კომპანიამ და ახლა უკვე გასულ სამუშაო კვირას აჯამებს. ჩვენი გუნდის წევრების ნებართვით, კომპანიის სამზარეულოში შეგახედებთ და იმედია, ჩვენი გამოცდილება თქვენც გამოგადგეთ.

მომზადებასა და ტრანსპორტზე გათვალისწინებული მინიმუმ 1 საათი კარგად გამოძინების საუკეთესო საშუალება აღმოჩნდა. შესაბამისად, პირველი დღის პირველი ვიდეო ზარებიც, რომლებმაც დილის შეხვედრები ჩაანაცვლა, ყველა დეპარტამენტში მეტი ენერგიით და რაც მთავარია დროულად დაიწყო. პიჟამოში გადაღებული ფოტოები ჯერ არ დაგვიარქივებია, თუმცა გაირკვა. რომ თანამშრომელთა ნაწილისათვის საოფისედ გამოწყობილი მუშაობა უფრო კომფორტულია, თან თუ პიჯაკს, პირდაპირ სპორტულ სამოსს შეუხამებ.

დავალება მიღებულია, დღის გეგმაც გაწერილია. სამუშაო პერანგით დაიწყო დილა გიამაც ქუთაისში. თან უთენია გაღვიძებული ახალშობილი ეტლში დააძინა, ყავაც ცხელია და რაც მთავარია "ზარალები", ანუ სადაზღვევო შემთხვევები დარეგულირებულია.

როგორ გინდა გვანცას შეეკამათო?! ჰოდა, ეპოქამ დაკვეთა მოგვცა, გელას ბავშვსაც სძინავს, ვაგრძელებთ საქმეს.

აი, სწორედ აქ არიან ფხიზლად ოლგას ბავშვები და მომხმარებელთან ურთიერთობის ახალ მეთოდს ნერგავენ.

იქნებ ასე უფრო მომგებიანი აღმოჩნდეს, — ჯიპიაი დაზღვეულებთან მეტი უშუალობით მუშაობს, — ეს უნდა დავაპატენტოთ.

ყველაზე რთულად მოსაგერებელი ბავშვების დელეგირება აღმოჩნდა, თუმცა ისიც გაირკვა, რომ ახალშობილის აღზრდა დაბადებიდან იწყება. ეს ნინოს შემთხვევამ დაადასტურა.

დისტანციურიდან საომარ მდგომარეობაზე გადავიდა ნატუკა. შეიარაღებული ინტერვენციის მუქარა თავშივე აღკვეთა და მძიმე არტილერიას, ოთხ მცირეწლოვანს, საიდანაც 3 ტყუპია, წარმატებით გაუმკლავდა.

ამასობაში, დისტანციური მუშაობის ახალი პრობლემა გაჩნდა:

სანამ ვაჟა მომატებულ კილოგრამებზე ნერვიულობს სხვებს შესვენებაც ავიწყდებათ და გაყიდვებიც დაწინაურდნენ.

დისტანციური მუშაობისას ერთ-ერთ მთავარ გამოწვევად, პირადი ურთიერთობის ნაკლებობა ითვლება, ამის მოგვარებაში ვიდეო ზარები გვეხმარება, სადაც ვერბალური კომუნიკაციის გარდა, კოლეგებისა და ხელმძღვანელი პირების ემოციებიც კარგად იკითხება. ყველაზე მთავარი კი ამ დისტანციაში განწყობა და დამოკიდებულება აღმოჩნდა.

სანამ HR-ი ამ გულისამაჩუყებელ კომენტარებს პასუხობდა, ინტროვერტებმა ახალი პუნქტები შემოიტანეს და კმაყოფილებმა შეგვატყობინეს, რომ ყურებმაც დაისვენა და უფრო მშვიდად მუშაობის საშუალებაც მიეცათ.

სანამ კომენტარებს ვაგროვებდი, ჯგუფში თაკოს პოსტი წამომეწია. დეტალურად ჩამოუწერია ყველაფერი

შექმნილი სიტუაცია, თითოეული ჩვენგანისაგან, სიფრთხილეს, სოლიდარობას, თანადგომასა და ამავე დროს შემართებას მოითხოვს. ჰოდა, ვიდრე ჩვენს დღიურში ახალი ჩანაწერი გაჩნდება, მადლობა უნდა ვუთხრათ ყველას, ვისაც ამ ბრძოლაში თავისი წვლილი, საკუთარი საქმის პირნათლად შესრულებით შეაქვს. მადლობა სხვადასხვა კომპანიას თანამშრომლობისათვის, მადლობა ყველა იმ უწყების წარმომადგენელს, ვინც ჩვენს უსაფრთხოებაზე ზრუნავს და რა თქმა უნდა, ყველა ექიმს, რომელიც ჩვენს ჯანმრთელობას საკუთარი სიცოცხლის რისკის ფასად იცავს.

ჩვენ ერთად შევძლებთ COVID19-ის დამარცხებას!