საბაჟო გამშვებ პუნქტებზე კონტროლი გამკაცრდა სატვირთო მანქანის უცხო ქვეყნის მოქალაქეების მძღოლების მიმართ, რომლებიც ბოლო ორი კვირის განმავლობაში კორონავირუსის გავრცელების მაღალი რისკის ქვეყნებში იყვნენ. აღნიშნული გადაწყვეტილება უწყებათაშორის საკოორდინაციო საბჭოზე მიიღეს.

მაღალი რისკის ქვეყნებად კი მიიჩნევიან ჩინეთი, სამხრეთ კორეა, იტალია, ირანი, ავსტრია, საფრანგეთი, გერმანია, ესპანეთი, შვეიცარია, ნორვეგია და დანია.

საქართველოს ტერიტორიაზე ტრანზიტულად გამავალი სატრანსპორტო საშუალება ექვემდებარება სავალდებულო გაცილებას ანუ ის ტრანზიტული სატრანსპორტო საშუალება, რომლის მძღოლი უცხო ქვეყნის მოქალაქეა, საქართველოს ტერიტორიაზე შესაძლებელია გადაადგილდეს გაცილებით დანიშნულების საბაჟო-გამშვებ პუნქტამდე.

რაც შეეხება იმპორტი, შემდეგი პროცედურები გატარდება:

  1. მაღალი რისკის ქვეყნებიდან წამოსული სატვირთო მანქანის საქართველოში შემოსვლისას მძღოლი ჩანაცვლდება სხვა პირით, რომელიც არაა რისკჯგუფში;
  2. უფლებამოსილი პირის ზედამხედველობით სატვირთოს ჩაუტარდება დეზინფექცია;
  3. სატვირთო სატრანსპორტო საშუალების უცხო ქვეყნის მოქალაქე მძღოლი, რომელიც ქვეყანაში შემოსვლამდე სატვირთოს მართავდა უკან დაბრუნდება ან კლინიკური მდგომარეობიდან გამომდინარე, კარანტინს/შესაბამის სამედიცინო დაწესებულებაში მოთავსებას;
  4. ან სატრანსპორტო საშუალების გამწევი ჩანაცვლება ისეთი გამწევით, რომელიც არ განიხილება კორონავირუსის გავრცელების რისკის მქონედ. ამასთანავე, დეზინფექცია ჩაუტარდება სატრანსპორტო საშუალების მისაბმელსა და თავდაპირველ გამწევს.

შემოსავლების სამსახურში აცხადებენ, რომ თუ მძღოლი სხვა პირით ვერ ჩანაცვლდება სატრანსპორტო საშუალება უახლოეს საბაჟო კონტროლის ზონაში გადაადგილება გაცილებით და საქონელი სხვა სატრანსპორტო საშუალებაში გადაიტვირთება.

ამასთანავე, საბაჟო პუნქტებზე ნებისმიერი ქვეყნიდან მომავალი მძღოლი შემოწმებას გაივლის. თუ მას ტემპერატურა ან მაღალი საეჭვო სიმპტომები გამოუვლინდა, უცხო ქვეყნის მოქალაქე მძღოლი უკან ბრუნდება. საქართველოს მოქალაქის შემთხვევაში, მძღოლი შემდგომი გამოკვლევისთვის შესაბამის დაწესებულებაში გადაიყვანენ.