დღეს, 19 მარტს გამართულ საქართველოს ეროვნული ბანკის სავალუტო აუქციონზე სებ-მა 40 მილიონი აშშ დოლარი გაყიდა. საშუალო შეწონილმა გაცვლითმა კურსმა 3,1564 შეადგინა.

მარტში ლარი დოლართან და ევროსთან მიმართებით მკვეთრად გაუფასურდა. 10 მარტს დოლარი 5 თეთრით, ევრო კი 3 თეთრით გაძვირდა. მაშინ დადგენილი კურსით ერთი აშშ დოლარის ფასი 2,8463 ლარი იყო. 17 მარტის გაცვლითი კურსით, 1 დოლარის ფასი 3,01 ლარი გახდა. 18 მარტის ვაჭრობის შედეგად კი ეროვნული ვალუტა ევროსთან და დოლართან მიმართებით 10-10 თეთრით გაუფასურდა. 19 მარტის კურსით, 1 დოლარის ოფიციალური ფასი 3,1804 ლარია.