ბოლო 24 საათის განმავლობაში პირველად ჩინეთის ქალაქ უხანში, სადაც COVID-19-ის ეპიდემია დაიწყო, კორონავირუსის არც ერთი შემთხვევა არ დაფიქსირებულა. ინფორმაციას ამის შესახებ ჩინეთის ჯანდაცვის კომისია ავრცელებს.

ამავე დროს, კონტინენტურ ჩინეთში კორონავირუსით დაინფიცირების 34 ახალი შემთხვევა გამოვლინდა. ყველა შემთხვევაში პაციენტები უცხო ქვეყნიდან ჩამოსულები არიან. ვირუსის გამო კიდევ რვა ადამიანი გარდაიცვალა, აქედან ექვსი ქალაქ უხანში.

ეპიდემიის დაწყების დღიდან ჩინეთში კორონავირუსით სულ 80 928 ადამიანი დაინფიცირდა და 3 245 გარდაიცვალა. ამავე დროს, 70 ათასზე მეტი ადამიანი გამოჯანმრთელდა.

მსოფლიოს მასშტაბით ინფიცირებულების რაოდენობა 219 ათასს გადააჭარბა. 8 800-ზე მეტი ადამიანი კი გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: