აზიის განვითარების ბანკი (ADB) კორონავირუსის პანდემიასთან საბრძოლველად წევრი ქვეყნებისთვის 6,5 მილიარდ დოლარს გამოყოფს. ADB-ის პრეზიდენტმა მასაცუგუ ასაკავამ განაცხადა, რომ პანდემიის წინააღმდეგ მძლავრი ნაბიჯები უნდა გადაიდგას როგორც რეგიონალურ, ისე გლობალურ დონეზე.

"ჩვენს განვითარებად წევრ ქვეყნებთან ერთად, ვადგენთ აგრესიული ნაბიჯების გეგმას პანდემიის დასამარცხებლად, რათა დავიცვათ რეგიონის მოსახლეობა, განსაკუთრებით მისი ღარიბი და მოწყვლადი ნაწილი და უზრუნველვყოთ ეკონომიკის სწრაფი დაბრუნება ჩვეულ კალაპოტში", — აღნიშნა მასაცუგუ ასაკავამ.

ბანკის პრეზიდენტმა თქვა, რომ თანხის გამოყოფის გარდა, ADB მზადაა საჭიროების მიხედვით მის წევრებს დამატებით ფინანსური და საკონსულტაციო დახმარება გაუწიოს.

ბანკის ინფორმაციით გამოყოფილი თანხიდან:

  • 3,6 მილიარდი დოლარი გამოიყოფა სახელმწიფოსთვის პანდემიის წინააღმდეგ რიგი საპასუხო ქმედებების დასაფინანსებლად ჯანდაცვის სისტემაში და ეკონომიკურ შედეგებთან გასამკლავებლად;
  • 1,6 მილიარდი დოლარი კერძო სექტორს მოხმარდება მიკრო, მცირე და საშუალო ზომის საწარმოების, შიდა და რეგიონული ვაჭრობის დაფინანსებას და ასევე ხელმისაწვდომი იქნება კომპანიებისთვის, რომელთაც პირდაპირი ზარალი მიიღეს.
  • დაახლოებით 1 მილიარდი მოხმარდება შეღავათიან რესურსებს მიმდინარე პროექტებიდან და პროექტების გაუთვალისწინებელი ხარჯებიდან.
  • ADB ასევე გამოყოფს 40 მილიონ აშშ დოლარს ტექნიკური დახმარებისა და სწრაფი გრანტებისთვის.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: