დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

პრემიერ-მინისტრის, გიორგი გახარიას თქმით, ბიზნესის ინიციატივების მოსასმენად და ეფექტური კომუნიკაციისთვის სპეციალური პლატფორმა შეიქმნება. ამის შესახებ პრემიერმა უწყებათაშორისი საბჭოს შეხვედრაზე ისაუბრა. მან აღნიშნა, რომ ბიზნეში ბევრი სამაგალითო შემთხვევაა, რომლებმაც სოციალური პასუხისმგებლობა და სოლიდარობა გამოიჩინეს.

"შეიქმნება კონკრეტული პლატფორმა, რომელსაც უხელმძღვანელებს ბიზნესომბუდსმენი. იზრდება ბიზნესის თხოვნების რაოდენობა, რომლითაც მოგვმართავენ. ეს თანამშრომლობა იქნება უფრო ეფექტური და მისი მიზანი გახლავთ, რაც შეიძლება სწრფად და ნაკლები ზიანით დავძლიოთ ეს გამოწვევა და კრიზისი", — თქვა გიორგი გახარიამ.

გიორგი გახარიამ შეხვედრაზე აღნიშნა, რომ სპეციალურ პლატფორმას მიხეილ დაუშვილი უხელმძღვანელებს და ის შეხვედრას დღეს, 18 მარტს გმართავს.

უწყებათაშორისი კომისიის შეხვედრაზე პრემიერმა აღნიშნა, რომ რამდენიმე კომპანია არაკეთილსინდისიერად იქცევა და ცდილობს რთულ პერიდოში სარგებელი ნახოს. ეკონომიკის მინისტრმა, ნათია თურნავამ ამ თემასთან დაკავშირებით თქვა, საქმე გვაქვს ფასების გაუმართებელ ზრდასთან. მისი თქმით, საბედნიეროდ ეს ერთეული ფაქტებია და მთლიანობაში ბიზნესში შექმნილ ვითარებას პასუხისმგებლობით ეკიდება.

ეპიდსიტუაცია საქართველოში: შეზღუდვები და რეკომენდაციები

18 მარტის მდგომარეობით, საქართველოში კორონავირუსი დაუდასტურდა 38 ადამიანს, მათ შორის 4 ბავშვია. ამასთან, დადასტურებულ შემთხვევებს შორის ერთი, N1 ინფიცირებული უკვე გამოჯანმრთელდა და ის საავადმყოფოდან 14-დღიანი თვითიზოლაციის რეკომენდაციით გაწერეს. კარანტინის რეჟიმში რჩება 1 261 ადამიანი, სტაციონარში მეთვალყურეობის ქვეშ — 216.

დაავადებათა კონტროლის ცენტრის დირექტორის განცხადებით, ამ ეტაპზე სიტუაცია კონტროლდება, თუმცა, შესაძლოა, მომდევნო კვირას ინფექციის პირველწყარო ვეღარ დაადგინონ. ჯანდაცვის მინისტრის განმარტებით, ასეთ შემთხვევაში, შესაძლოა, დაავადებულთა რაოდენობა 80-100-მდე გაიზარდოს და პიკური მომენტი დადგეს. ინფიცირების რისკის ზრდის შემთხვევაში, მთავრობა შეზღუდვების გამკაცრებას გეგმავს და კარანტინის გამოცხადებას არ გამორიცხავს.

რაც შეეხება მოქმედ შეზღუდვებს, ყველა მეზობელ ქვეყანასთან მოქალაქეთა მიმოსვლა შეზღუდულია, ასევე, 2 კვირით საზღვარი დაკეტილია უცხო ქვეყნების მოქალაქისთვის. ყველა სახელმწიფო და კერძო დაწესებულებას დისტანციურ რეჟიმში მუშაობის რეკომენდაცია აქვს მიცემული, მათ შორის, კაფე-ბარებსა და რესტორნებს. აკრძალულია სამარშრუტო ტაქსების გადაადგილება და სრულად შეზღუდულია სპორტ დარბაზებისა და სპა ცენტრების ფუნქციონირება. ასევე, 70 წელს ზევით მოქალაქეებს თვითიზოლაციაში დარჩენა ურჩიეს.

შეზღუდვები შეეხოთ ჟურნალისტებსაც, პარლამენტში მათ მხოლოდ კონკრეტული ლოკაციებიდან მუშაობის უფლება აქვთ, მთავრობის ბრიფინგებზე კი მათი დაშვება აიკრძალა. მედიები ბრიფინგის საერთო სიგნალს მიიღებენ და კითხვებს წინასწარ გაგზავნიან.

მთავრობის გადაწყვეტილებით, შსს აკონტროლებს უცხოეთიდან ჩამოსულ, იზოლაციაში მყოფ ყველა პირს და დარღვევის შემთხვევაში ისინი იძულებით კარანტინში გადაჰყავს. ამ ეტაპზე იძულებით კარანტინშია გადაყვანილი 99 ადამიანი. პარლამენტი განიხილავს, რომ თვითიზოლაციის წესების დარღვევა დასჯადი გახდეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: