კორონავირუსის გავრცელების თავიდან ასაცილებლად ერთ-ერთი მთავარი რეკომენდაცია საჯარო ადგილებში შეკრებისგან თავის არიდება და სახლში დარჩენაა. თვითიზოლაცია ვირუსის პრევენციისთვის მნიშვნელოვანია. მაგრამ, ვინ თქვა, რომ ამ დროს აუცილებელად მარტო უნდა იყო?

Best Friends Animal Society ცხოველების თავშესაფარია. მთავარი აღმასრულებელი დირექტორი ჯულია ქასთლი თვლის, რომ ახლა მიუსაფარი ცხოველების აყვანისთვის ყველაზე კარგი დროა.

ფოტო: BestFriends

დაავადებათა კონტროლისა და პრევენციის ცენტრი, ჯანდაცვის მსოფლიო ორგანიზაცია და ამერიკის ვეტერინართა სამედიცინო ასოციაცია აცხადებს, რომ ცხოველები ვირუსის გავრცელების რისკის ზონაში არ არიან. მეცნიერული კვლევები კი ამტკიცებს, რომ ცხოველები ადამიანის განწყობაზე და ჯანმრთელობაზე დადებითად მოქმედებენ.

ვირუსის გავრცელების დროს ადგილობრივი თავშესაფრიდან ცხოველების აყვანა თავშესაფარსაც ძალიან დაეხმარება:

"ძალიან ბევრ ცხოველს ვიტევთ, რადგან პანდემიის გამო მათ აღარავინ სტუმრობს. ერთი-ორი თავშესაფარი საერთოდ დაკეტილია. ადგილები შეზღუდულია, ცხოველები კი ძალიან ბევრნი არიან, კრიზისი ელის ბევრ დაწესებულებას. ყველას მოვუწოდებთ, რომ საყვარელი ცხოველები არსად ჩააბარონ", — ამბობს ჯულია ქასთლი და ცხოველების პატრონებს სთხოვს, რომ თუ ახალი ცხოველის აყვანა არ შეუძლიათ, თავიანთ შინაურ ცხოველებს გულმოდგინედ მოუარონ.

ფოტო: BestFrien

ცნობილია, რომ ცხოველები სტრესს და შფოთს ამცირებენ, რაც ვირუსის დროს ნამდვილად ძალიან საჭიროა.

ქასთლი ცხოველების საჭმელისა და წამლების წინასწარ შეძენას უწევს რეკომენდაციას. ასევე საჭიროა ხელების ხშირი დაბანა, განსაკუთრებით კი ოთხფეხა მეგობრების ნივთებზე შეხების შემდეგ. ამ გზით, ცხოველებიც და პატრონებიც კორონავირუსისგან უფრო დაცულები იქნებიან.