დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

ეკონომიკის მინისტრმა, ნათია თურნავამ პრემიერთან შეხვედრის შემდეგ განაცხადა, რომ ქვეყანას პროდუქტით მომარაგებას საფრთხე არ ემუქრება და ზოგიერთი პროდუქტის ირაციონალურად გაზრდილი მოთხოვნის საფუძველი არ არსებობს.

"ჩვენ ვმართავ მომარაგების საკითხს და ჩართული ვართ მიწოდების ჯაჭვის მონიტორინგში. ყველა მოქალაქეს მინდა მოვუწოდო ნუ აყვებიან ირაციონალურ შიშებს. გვესმის ყველას, რომ რა თქმა უნდა, კორონავირუსი ეს არის გლობალური, ახალი გამოწვევა, რა თქმა უნდა, ყველანი ცოტათი ვღელავთ, მაგრამ ეს არ არის იმის საფუძველი, რომ ავყვეთ უსაფუძვლო აჟიოტაჟს", — თქვა ნათია თურნავამ.

მინისტრმა მადლობა გადაუხადა სავაჭრო სექტორში დასაქმებულ მოქალაქეებს და აღნიშნა, რომ მათთვის განსაკუთრებული ზრუნვის საგანია სავაჭრო სექტორი. ნათია თურნავას თქმით, საქართველოში მაღაზიებს და სავაჭრო ქსელებს მომარაგების საფრთხე არ ექნებათ.

დღეს, 14 მარტს საქართველოში კორონავირუსით ინფიცირების კიდევ 5 შემთხვევა დადასტურდა და ინფიცირებულების რაოდენობა 30-მდე გაიზარდა. ამირან გამყრელიძის თქმით, ქვეყანაში მესამეული, ანუ შიდა გადაცემა დაფიქსირდა. მისივე თქმით, ახალ ხუთ პაციენტს შეხება იტალიასთან ჰქონდა.

14 მარტს კორონავირუსი დაუდასტურდათ ათენში და მადრიდში მცხოვრებ საქართველოს მოქალაქეებსაც. ისინი ექიმების დაკვირვების ქვეშ იმყოფებიან.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 30 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: