აზერბაიჯანში ირანის ისლამური რესპუბლიკის ავიაკომპანიების მიერ შესრულებული რეისები შეჩერდა. ამის შესახებ აზერბაიჯანის ავიახაზებმა APA-ს განუცხადეს.

გადაწყვეტილება აშშ-ის მიერ ირანის წინააღმდეგ სანქციების ახალი პაკეტის დაწესებას უკავშირდება, განსაკუთრებით კი ავიაციის სექტორისთვის დაწესებულ სანქციებს. შესაბამისად, ირანული ავიაკომპანიების მიერ აზერბაიჯანში შესრულებული რეისები 2026 წლის 22 სექტემბრიდან შეჩერდა.

საქართველოში ირანული ავიაკომპანიების ფრენები 21 სექტემბრიდან შეწყდა, მას შემდეგ, რაც აშშ-მა 8 სექტემბერს ირანის საავიაციო სექტორის წინააღმდეგ სანქციები გააფართოვა და სანქცირებულ კომპანიებს შორის საქართველოს მიმართულებით მოქმედი ავიაკომპანიებიც მოხვდნენ. საქართველოს სამოქალაქო ავიაციის სააგენტომ 10 სექტემბერს განაცხადა, რომ საქართველო საერთაშორისო სანქციების რეჟიმის შესაბამისად იმოქმედებდა. ირანულმა ავიაკომპანიებმა საქართველოში ბოლო რეისები 20 სექტემბერს შეასრულეს.