COVID-19 კორონავირუსის გავრცელების პრევენციის მიზნით და სოციალური პასუხისმგებლობის გათვალისწინებით, 2020 წლის 8 მარტს, პსპ დაზღვევის კომპანიის ოფისში ჩატარდა სადეზინფექციო სამუშაოები, 9 მარტიდან კი კომპანია გადავიდა დისტანციურ მომსახურებაზე.

"პსპ დაზღვევა არის ერთ-ერთი პირველი სადაზღვევო კომპანია, რომელიც დისტანციურ სადაზღვევო მომსახურებაზე გადავიდა", — აცხადებენ კომპანიაში.

დისტანციური სადაზღვევო მომსახურება გულისხმობს უკვე არსებული ელექტრონული სერვისების გამრავალფეროვნებას, დამატებითი ადმინისტრაციული და ტექნოლოგიური რესურსების მობილიზებას.

პსპ დაზღვევა არის პირველი სადაზღვევო კომპანია, რომელმაც საგანგებოდ შექმნა ტელემედიცინის სერვისი. ტელემედიცინის საშუალებით დაზღვეულები დისტანციურად იღებენ ოჯახის ექიმის სამედიცინო მომსახურებას. პსპ მადლობას უხდის დაზღვევის ოჯახის ექიმებს, რომლებიც გაზრდილი დატვირთვით ემსახურებიან დაზღვეულებს.

პსპ დაზღვევის თანამშრომლები ოფისში მოსვლის გარეშე ასრულებენ დაკისრებულ მოვალეობებს და მუშაობენ საგანგებო რეჟიმში. ყველა დაზღვეულისთვის ხელმისაწვდომია სადაზღვევო და სამედიცინო მომსახურების დისტანციურად მიღება, შეფერხების გარეშე:

"პსპ დაზღვევა მაქსიმალურადაა მობილიზებული".

პსპ დაზღვევის პორტალის საშუალებით დაზღვეულებს შესაძლებლობა აქვთ ონლაინ მიიღონ ნებისმიერი სადაზღვევო მომსახურება, ანაზღაურება, საგარანტიო წერილი, მიმართვა ექიმ სპეციალისტთან და საგარანტიო ფურცელი მედიკამენტებზე.