ბრაზილიის პრეზიდენტის, ჟაირ ბოლსონარუს თანაშემწეს კორონავირუსი დაუდგინდა. ინფორმაციას ამის შესახებ FOX News ავრცელებს. ორივე მათგანი რამდენიმე დღის აშშ-ს პრეზიდენტს, დონალდ ტრამპსა და ვიცე-პრეზიდენტს, მაიკ პენსს ფლორიდაში შეხვდა. როგორც გამოცემა წერს, თვითონ ბოლსონარუ ამჟამად დაკვირვების ქვეშაა.

ბოლსონარუ ტრამპს ფლორიდაში 7 მარტს შეხვდა, სადაც ვენესუელის კრიზისი, სავაჭრო და ეკონომიკური საკითხები განიხილეს. ამის შემდეგ ცნობილი გახდა, რომ ბოლსონარუს თანაშემწეს კომუნიკაციების საკითხებში, ფაბიო ვაინგარტენს კარონავირუსი აქვს.

თავდაპირველად ვაინგარტენი უარყოფდა ჯანმრთელობის გაუარესდა, თუმცა 12 მარტს პრეზიდენტის აპარატმა დაადასტურა, რომ ის სახლში კარანტინის ქვეშაა.

თეთრ სახლში ჟურნალისტებთან საუბრისას ტრამპმა აღნიშნა, რომ მას არ აწუხებს შეტყობინებები იმის შესახებ, რომ ბოლსონარუ ან მისი თანაშემწე ტესტირებას გადიან.

"მთელი დელეგაციით ფლორიდაში ვისადილეთ. არ ვიცი თანაშემწე იქ იყო თუ არა. თუ ის იქ იყო, ე.ი. იქ იყო. თუმცა არაფერი განსაკუთრებული არ გაგვიკეთებია".

თეთრი სახლის პრესმდივანი, სტეფანი გრიშმანი ამბობს, რომ კორონავირუსთან დაკავშირებით განცხადებებს აანალიზებენ და სამოქმედო გეგმასაც განსაზღვრავენ.

"არც პრეზიდენტსა და არც ვიცე-პრეზიდენტს არანაირი ინტერაქცია არ ჰქონიათ პირთან, რომელსაც კორონავირუსი დაუდასტურდა. ამ ეტაპისთვის ტესტის ჩატარების აუცილებლობა არ არსებობს".