ტელეკომპანია ფორმულას დაკვეთით ჩატარებული Edison Research-ის კვლევის მიხედვით, მოსახლეობის 73% მიიჩნევს, რომ ქვეყანა არასწორი მიმართულებით ვითარდება. 27%-ს კი ამბობს, რომ პირიქით.

ფოტო: ფორმულა

ნოემბრის თვეში ფორმულას დაკვეთით ჩატარებული კვლევის მიხედვით, კითხვას, როგორი მიმართულებით ვითარდება ქვეყანა მოსახლეობის 77 პროცენტი ფიქრობდა, რომ ქვეყანა არასწორი მიმართულებით, 23 პროცენტი კი პირიქით.

კითხვაზე: რამდენად მნიშვნელოვანია, რომ ცხოვრობდეთ ქვეყანაში, რომელიც დემოკრატიულად იმართება — 79% პასუხობს, რომ ძალიან მნიშვნელოვანია, 20%-ის აზრით, მეტნაკლებად მნიშვნელოვანი, ხოლო 1% ამბობს, რომ მეტნაკლებად უმნიშვნელო.

ფოტო: ფორმულა

ამასთან, Edison Research-ი დაინტერესდა გამოკითხულთა აზრით, რამდენად დემოკრატიულად ვითარდება საქართველო. 42% პასუხობს, რომ მეტნაკლებად დემოკრატიულად, 26%-ის აზრით, მეტნაკლებად არადემოკრატიულად, 24%-ის აზრით, აბსოლუტურად არადემოკრატიულად, ხოლო 8% მიიჩნევს, რომ სავსებით დემოკრატიულად.

Edison Research-მა კვლევა 2020 წლის თებერვალში ჩაატარა. შემთხვევითი შერჩევის პრინციპით გამოიკითხნენ საარჩევნო უფლების მქონე მოქალაქეები მთელი საქართველოდან, ოკუპირებული ტერიტორიების გარდა. კვლევაში 2000 ადამიანი მონაწილეობდა და ცდომილების ზღვარი 2%-ია.