სულ ცოტა ხნის წინ ორგზის ოსკაროსანი მსახიობის, ტომ ჰენკსის ახალი ფილმის, Greyhound-ის ტრეილერი გამოქვეყნდა.

ფილმის სიუჟეტი მეორე მსოფლიო ომის საწყის ეტაპზე მოგვითხრობს, როცა დაპირისპირებული მხარეები ატლანტის ოკეანეში აქტიურ საომარ მდგომარეობაში იყვნენ. ტომ ჰენკსი ამერიკის საზღვაო ფლოტის მეთაურის როლშია, რომელიც ცდილობს ნაცისტების წყალქვეშა ნავი გაანადგუროს.

აღსანიშნავია, რომ ტომ ჰენკსი ფილმის სცენარისტიცაა.

ფილმი ამერიკელი მწერლის, სესილ სკოტ ფორესტერის რომანის მიხედვით გადაიღეს. რეჟისორი აარონ შნაიდერია, რომელიც ბოლო ათი წელია კინოში აქტიურად აღარ მოღვაწეობდა.

"რაც გუშინ ჩაიდინე, იმან შედეგი დღეს გამოიღო", — ეუბნებიან ტრეილერში ტომ ჰენკსის პერსონაჟს. როგორც ჩანს, ვიზუალურად სანახაობრივ სცენებთან ერთად ფილმში საკმაოდ დაძაბულ და საინტერესო სიუჟეტურ ხაზსაც უნდა ველოდოთ.

Greyhound-ის პრემიერა 8 მაისს იყო დაგეგმილი, თუმცა კორონავირუსის გავრცელების გამო ამ თარიღმა 12 ივნისამდე გადაიწია.