საუდის არაბეთმა კორონავირუსის პირველი შემთხვევა დაადასტურა. ამის შესახებ ინფორმაციას CNN ჯანდაცვის მინისტრზე დაყრდნობით ავრცელებს.

ინფიცირებული მოქალაქე ქვეყანაში ირანიდან ბაჰრეინის გავლით დაბრუნდა. ჯანდაცვის მინისტრის თქმით, პაციენტმა არ გაამჟღავნა, რომ ვიზიტით ირანში იმყოფებოდა.

კორონავირუსის პირველი შემთხვევები დღეს, 2 მარტს დაადასტურა ანდორამ, პორტუგალიამ და ინდონეზიამ. ბოლო მონაცემებით, კორონავირუსით მსოფლიოს მასშტაბით 3 000-ზე მეტი ადამიანი გარდაიცვალა და 88 000-ზე მეტი ინფიცირების შემთხვევა დადასტურდა.

საქართველოში ამჟამად კორონავირუსის 3 შემთხვევაა დაფიქსირებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე კი — 29 თებერვალს.

ამავე თემაზე:

გაიგეთ მეტი კორონავირუსის პრევენციის შესახებ: