ბელგიურმა პოპ დუომ, R.O x Konoba, ახალი კლიპი საქართველოში გადაიღო. სიმღერას სახელად Till We Get There ჰქვია, რაც ქართულად ითარგმნება, როგორც სანამ ჩვენ იქ მივალთ. სწორედ შავზე თეთრად დაწერილი ქართული სიტყვებით იწყება მუსიკალური ვიდეო რგოლი.

კლიპი ბავშვების ცხოვრებაზე მოგვითხრობს, რომლებიც წიგნებში ამოკითხული მინიშნებების შემდეგ მოგზაურობას იწყებენ და საბოლოოდ დიდგორზე ხვდებიან ერთმანეთს. კლიპში ასევე ვხედავთ ვაჟა-ფშაველას და სამების მიმდებარე ტერიტორიას.

R.O x Konoba-მ მაშინაც საჯაროდ დაგვიჭირა მხარი, როდესაც პუტინმა რუსულ ავიაკომპანიებს საქართველოში ფრენები აუკრძალა. დუო მაშინ მსმენელს მოუწოდებდა, რომ საქართველოში ჩამოსულიყვნენ.

27 მარტს, თბილისში, MonoHall-ში ჯგუფის მუსიკალურ საღამო შედგება.