დაავადებათა კონტროლის ცენტრის ცხელი ხაზი 116 001

დაავადებათა კონტროლის ეროვნული ცენტრი ადამიანებს, რომლებმაც ჩრდილოეთ იტალიაში იმოგზაურეს რეკომენდაციას აძლევს, რომ 14 დღის განმავლობაში თვითიზოლაციაში იყვნენ. ამირან გამყრელიძემ დღეს, 28 თებერვალს საქართველოში კორონავირუსის მეორე შემთხვევა დადასტურდა. ინფიცირებულს იტალიაში მოგზაურობის ისტორია აქვს.

ამირან გამყრელიძის განმარტებით, თუ თვითიზოლაციის პერიოდში ვინმეს სიმპტომები გამოუვლინდება აუცილებლად უნდა მიმართონ თავის ოჯახის ექიმს ან ინფექციურ საავადმყოფოს.

"მკაცრი ფრენების აკრძალვა, თუ მკაცრი რეჟიმები საზღვრებზე, ანუ ეს შეკავების ფაზა დიდ შედეგს არ იძლევა. ინფექციას მხოლოდ საზღვრების კონტროლით ვერ შეაჩერებ. უფრო მეტი ყურადღება გადადის ადამიანთა სავარაუდო შემთხვევათა თვითიზოლაციაზე და თუ საჭიროა, სამკურნალო-სამედიცინო დახმარების ღონისძიებებზე", — თქვა ამირან გამყრელიძემ.

26 თებერვალს საქართველოში ახალი კორონავირუსით ინფიცირების პირველი შემთხვევა დაფიქსირდა მეორე შემთხვევა კი დღეს, 28 თებერვალს დადასტურდა. პირველ შემთხვევაში ვირუსი დაუდგინდა საქართველოს მოქალაქეს, რომელიც აზერბაიჯანის გავლით ირანიდან საქართველოში შემოვიდა. მეორე შემთხვევაში, ვირუსი საქართველოს მოქალაქეს გამოუვლინდა, რომელიც იტალიაში მოგზაურობდა.

დაავადებათა კონტროლის ცენტრის ცხელი ხაზი 116 001

გაიგეთ მეტი კორონავირუსის პრევენციის შესახებ: