ირანში კიბერპოლიციამ კორონავირუსთან დაკავშირებით ჭორების გავრცელების ბრალდებით 24 ადამიანი დააკავა. ამის შესახებ ინფორმაციას დასავლური მედია ავრცელებს.

ასევე, მათივე ინფორმაციით, პოლიციამ 118 ადამიანს გაფრთხილება მისცა ინტერნეტში კორონავირუსზე ინფორმაციის გავრცელების გამო.

მას შემდეგ, რაც ირანში კორონავირუსი გავრცელდა, ვირუსთან დაკავშირებულ ჭორებთან საბრძოლველად ირანის პოლიციაში სპეციალური განყოფილება შეიქმნა და კიბერპოლიცია აქტიურად აკონტროლებს ვირუსთან დაკავშირებით ინტერნეტით გავრცელებულ ინფორმაციას.

ბოლო ინფორმაციით, ირანში კორონავირუსით დაღუპულთა რიცხვი 19-ს აღწევს, ხოლო დაავადებულთა რიცხვი 139-ს.

ახალი კორონავირუსით 80 ათასზე მეტი ადამიანი დაავადდა. ბოლო მონაცემებით, ვირუსის გამო 3 ათას ადამიანამდე გარდაიცვალა. ყველაზე დიდი რიცხვი გარდაცვლილებისა და დაავადებულების კონტინენტურ ჩინეთში ფიქსირდება. შემდეგ მოდიან ჰონგ-კონგი, მაკაო, სამხრეთ კორეა, იტალია, იაპონია, ირანი და სინგაპური.

ამავე თემაზე: