მადონასა და საბრინა კარპენტერის გულშემატკივრებისთვის ფანტასტიკური სიახლე გვაქვს, რადგან მუსიკოსები ახალი სინგლის გამოშვებას გეგმავენ. გრემის მფლობელმა მუსიკოსებმა ინფორმაცია სულ ახლახან, ინსტაგრამზე გამოქვეყნებული პოსტის მეშვეობით გვამცნეს.

როგორც პოსტში ვკითხულობთ, სიმღერა, სახელწოდებით Bring Your Love ხუთშაბათს გამოქვეყნდება (საქართველოს დროით — პარასკევს, დილის ორ საათზე). არსებობს ვარაუდი, რომ Bring Your Love ერთ-ერთი სინგლია, რომელიც შევა მადონას რიგით მეოთხე სტუდიურ ალბომში, რომლის გამოსვლა 2026 წლის ივლისში იგეგმება.

შეგახსენებთ, რომ მადონა საბრინა კარპენტერის Coachella-ს შთამბეჭდავ შოუზე ერთ-ერთი მოწვეული სტუმარი იყო. მუსიკოსებმა ერთად შეასრულეს ისეთი სიმღერები, როგორებიცაა — Save a prayer, Vogue და ახალი სიმღერა, Bring Your Love.

ფოტო: Getty Images

"ზუსტად 20 წლის წინ ამ დღეს Coachella-ზე გამოვედი", — თქვა მადონამ საბრინას შოუს მსვლელობისას — "მაშინ ცეკვისთვის განკუთვნილ კარავში ვიყავი და ამერიკაში პირველად შევასრულე Confessions on a Dance Floor Pt. 1, ეს ჩემთვის საოცარი იყო. წარმოიდგინეთ, რამხელა ადრენალინია 20 წლის შემდეგ აქ დაბრუნება იმავე ჩექმებით, იმავე კორსეტითა და იმ Gucci-ს ქურთუკით, რომელიც ცოტა ხნის წინ მეცვა. ასე რომ, საიდანაც დავიწყე, ისევ იქ დავბრუნდი, ხვდებით? ჩემთვის ძალიან მნიშვნელოვანი მომენტია".

კიდევ ერთელ შეგახსენებთ, რომ საბრინასა და მადონას დუეტს 30 აპრილს მოვისმენთ.