ახმეტაში კაცი დააკავეს, რომელსაც გამოძიება ყოფილი მეუღლის მიმართ განხორციელებულ ფიზიკურ ძალადობას, სისტემატურ ადევნებასა და საცხოვრებელ სახლში უნებართვოდ შეღწევას ედავება. ინფორმაციას შსს ავრცელებს.

უწყების ცნობით, ინციდენტი არასრულწლოვანი შვილების თანდასწრებით მოხდა. გამოძიებით დადგინდა, რომ ბრალდებულმა ყოფილი მეუღლის საცხოვრებელ სახლში ნებართვის გარეშე შეაღწია, სადაც მას ფიზიკური შეურაცხყოფა მიაყენა. გარდა ამისა, დადგინდა, რომ დაკავებული მსხვერპლს სისტემატურად უთვალთვალებდა.

საქმეზე გამოძიება რამდენიმე მუხლით მიმდინარეობს, რაც, ბრალის დამტკიცების შემთხვევაში, 3 წლამდე ვადით თავისუფლების აღკვეთას ითვალისწინებს.

"შინაგან საქმეთა სამინისტროს კახეთის პოლიციის დეპარტამენტის ახმეტის რაიონული სამმართველოს თანამშრომლებმა, ყოფილი მეუღლის მიმართ განხორციელებული ძალადობის, ადევნებისა და ბინის მფლობელობის ხელშეუხებლობის დარღვევის ბრალდებით 1994 წელს დაბადებული გ.ხ. დააკავეს.

გამოძიებით დადგინდა, რომ ბრალდებულმა, ახმეტის მუნიციპალიტეტში, ყოფილი მეუღლის - 1996 წელს დაბადებულ ქ.რ.-ს საცხოვრებელ სახლში უნებართვოდ შეაღწია და არასრულწლოვანი შვილების თანდასწრებით მასზე ფიზიკურად იძალადა, ასევე, დადგინდა, რომ ბრალდებული სისტემატურად უთვალთვალებდა ქ.რ.-ს.

პოლიციამ ჩატარებული ოპერატიული ღონისძიებებისა და საგამოძიებო მოქმედებების შედეგად, გ.ხ. ბრალდებულის სახით დააკავეს.

გამოძიება სისხლის სამართლის კოდექსის 126-ე პრიმა, 11 პრიმა 151-ე პრიმა და 160-ე მუხლებით მიმდინარეობს, რაც 3 წლამდე ვადით თავისუფლების აღკვეთას ითვალისწინებს", — წერია უწყების განცხადებაში.