წყალქვეშა ფოტოგრაფიის ყოველწლიური კონკურსის საუკეთესო ფოტოგრაფის ნომინაცია ფრანგმა ხელოვანმა, გრეგ ლეკურმა მოიგო. მთავარი ტიტულისთვის 5 500-მდე ფოტო იყო გაგზავნილი, თუმცა ჟიურიმ მათგან ერთი ამოარჩია.

კონკურსის გამარჯვებული

ხმელეთზე სელაპი საკმაოდ ტლანქი, საყვარელი ცხოველია, რომელიც ძლივს გადაადგილდება. თუმცა, ოკეანის სიღრმეებში ისინი გასაოცარი მოქნილობით გამოირჩევიან.

ეს კომპოზიცია "ერთპიროვნულად დამსახურებული გამარჯვებულია, რომელიც აერთიანებს კარგ კომპოზიციას, გასაოცარ სინათლესა და ფერებს"— ნათქვამია ჟიურის განცხადებაში.

ლეკურმა ფოტო ანტარქტიდის ერთ-ერთი ექსპედიციის დროს გადაიღო.

დედამიწის ოკეანეები ყინულს სწრაფი ტემპით კარგავს, ეს ფოტო კი ასახავს იმ გასაოცარ ბიომრავალფეროვნებას, რომელიც შეიძლება ჩვენს თვალწინ დაიკარგოს.

არანაკლებ საინტერესოა ფოტოკონკურსის სხვა ნომინაციების გამარჯვებულებიც.

ფოტოგრაფიის ამომავალი ვარსკვლავი

ეს პრიზი ავსტრიელმა ანიტა კაინრათმა მოიგო, რომელმაც ბაჰამას კუნძულების სანაპიროსთან პატარა ზვიგენები დააფიქსირა.

მაკროფოტოგრაფია

ამ კატეგორიაში გამარჯვებული იაპონელი კეიგო კავამურა გახდა, რომელმაც ფოტოზე ცალრქა კერევეტები ასახა. ეს ჯიში მოგრძო ანტენებით და ცხოვრების სტილით გამოირჩევა. ეს სახეობა მეტწილად 300 მეტრის სიღრმეზე ცხოვრობს.

ჩაძირული გემები

კონკურსის კიდევ ერთი გამარჯვებული ამერიკელი ფოტოგრაფი რენე კაპოზოლა გახდა, რომელმაც საუდის არაბეთში ჩაძურული ტვირთმზიდი ხომალდი გადაიღო. მიუხედავად იმისა, რომ უზარმაზარი მეტალის კონსტრუქცია უსიცოცხლოდ გამოიყურება, ის ზღვის ბინადრებისთვის თავშესაფარი გახდა.

საუკეთესო შავ-თეთრი ფოტო

პრიზი ბრიტანელმა ფოტოგრაფმა ჰელი სპიერსმა ზღვის არწივების ფოტოსთვის მიიღო. ეს ცხოველი წყალში თავისუფლად გადაადგილდება, ფოტოგრაფისთვის კი მათი გამოჭერა ძალიან რთული აღმოჩნდა.

"ისინი [ზღვის არწივები] თავისუფლად მიცურავდნენ, მე კი ფოტოსთვის სწორი კუთხის შერჩევისას კინაღამ გული ამომივარდა", — წერს ფოტოგრაფი.

ცხოველთა ქცევა

კატეგორიის გამარჯვებული იტალიელი პასკალე ვასალო ფეხბურთის ბურთზე მიკრული რვაფეხის ფოტოსთვის გახდა.

"მგონი ეს რვაფეხა შემდეგი მსოფლიო ჩემპიონატისთვის ემზადება", — წერს ვასალო.

ცეფალოპოდის და ბურთის ფოტო მიუხედავად იმისა, რომ თვალწარმტაცია, ერთგვარი შეხსენებაცაა, რომ ოკეანეები ძალიან დაბინძურებულია.

კონსერვაცია

კატეგორიაში გამარჯვებულიც ვასალო გახდა, რომელმაც მეთევზეების ბადეში გახლართული თევზის შთამბეჭდავი ფოტო გადაიღო. ფოტოზე თევზს პირი მაქსიმალურად დაღებული აქვს და ხაფანგის დაღწევას უშედეგოდ ცდილობს.