"ტენისო — გემშვიდობები", — 32 წლის რუსი ჩოგბურთელი და დიდი სლემის ხუთგზის ჩემპიონი მარია შარაპოვა სპორტულ კარიერას ასრულებს. ამის შესახებ მან Vaniti Fair-ისთვის დაწერილ სვეტში ისაუბრა.

"ყოველდღე მომენატრება. მომენატრება ვარჯიშები და ყოველდღიური რუტინა: დილაადრიან გაღვიძება, ჯერ მარცხენა ფეხზე თასმების შეკვრა და კორტის ჭიშკრის დახურვა, ვიდრე დღის განმავლობაში პირველ ბურთს ვისვრი. მომენატრებიან ჩემი გუნდი და ჩემი მწვრთნელები. მომენატრება მამაჩემთან ერთად სავარჯიშო მოედანზე ჯდომის მომენტები. გამარჯვებისა და წაგების ხელის ჩამორთმევა და სპორტსმენები, იცოდნენ მათ ეს თუ არა, რომლებმაც მიბიძგეს, უკეთესი გავმხდარვიყავი", — წერს სპორტსმენი.

შარაპოვამ ქალთა ჩოგბურთის ასოციაციის ინდივიდუალურად 36 ტურნირში გაიმარჯვა, ხოლო წყვილში სამი ტიტული მოიპოვა. შარაპოვამ ხუთჯერ გაიმარჯვა დიდი სლემის ტურნირებზე — ორჯერ საფრანგეთის ღია ჩემპიონატი, ერთ-ერთხელ ავსტრალიისა და ამერიკის ღია ჩემპიონატები და უიმბლდონი. 2012 წლის ოლიმპიურ ჩემპიონატზე კი მან ვერცხლი მოიპოვა.

ბოლოს მან 2017 წელს გაიმარჯვა. 2020 წელს ავსტრალიის ღია ჩემპიონატზე კი პირველივე წრეში გამოვარდა.