ირანის ჯანდაცვის მინისტრის მოადგილეს კორონავირუსი აღმოაჩნდა. ინფორმაციას ამის შესახებ France24 ავრცელებს.

"კორონავირუსთან ბრძოლის წინარიგებში მდგომი ჯანდაცვის მინისტრის მოადგილის, ბატონი ჰარირჩის ტესტი დადებითი აღმოჩნდა", — წერს ტვიტერზე ჯანდაცვის მინისტრის მრჩეველი მედიასთან კომუნიკაციის საკითხებზე.

გამოცემის ინფორმაციით, ორშაბათს მთავრობის პრესსპიკერთან ერთად გამართულ პრესკონფერენციაზე ირაჯ ჰარირჩი დროდადრო ახველებდა და შუბლიდან ოფლს იწმენდდა.

კონფერენციაზე მან უარყო ცნობები იმის შესახებ, რომ კორონავირუსის გამო ქალაქ კუმში 50 ადამიანი გარდაიცვალა და დაამატა, რომ გადადგება, თუ რიცხვები დადასტურდება.

ამ ეტაპისთვის ირანში ახალი ვირუსის გამო ჯამში 15 ადამიანი გარდაიცვალა, ხოლო 95 დაინფიცირდა.

ამავე თემაზე: