დღეს, 2 ნოემბერს, ლოტკინზე ხუდადოვის ქუჩაზე მდებარე გარდენია შევარდნაძის ტერიტორიაზე ხანძარი გაჩნდა.

ჯერჯერობით უცნობია, როგორ გაჩნდა ხანძარი დეკორატიული მცენარეების სანერგეში როგორც გარდენიას წარმომადგენელმა გვითხრა, არც ზარალის რაოდენობაა დათვლილი:

"რაც მთავარია, ყველა თანამშრომელი გადარჩა, უვნებელია, გარდენიაც უვნებელია. ჩვენ ისევ ვმუშაობთ. ყვავილები არ დამწვარა. მხოლოდ სამეურნეო ნაწილში იყო პრობლემა, სადაც ყვავილების უხმარი ქოთნების მარაგი ინახებოდა. ჩვეულებრივად ვაგრძელებთ მუშაობას, სტუმრებს ვღებულობთ".

რამდენიმე საათის წინ გაჩენილი ხანძრის ადგილას ხუთი სახანძრო მანქანა იყო გასული.