ასოცირების კომიტეტის თანათავმჯდომარე მარინა კალიურანდი ქართულ არასამთავრობო ორგანიზაციებს შეხვდა. მისი თქმით, ის და ქართული სამოქალაქო სექტორი ვერაფერს შეცვლის და პრობლემების საქართველოში ოპოზიციამ და ხელისუფლებამ უნდა გადაჭრან.

"სამოქალაქო საზოგადოებასთან შეხვედრაზე კიდევ ერთხელ დავადასტურე ჩემი იმედგაცრუება ბოლო შეხვედრის გამო, რომელზეც შეთანხმებას ვერ მივაღწიეთ. არ მგონია ეს საქართველოსა და ქართველი ხალხის ინტერესში ყოფილიყო", — განაცხადა ევროპარლამენტარმა ფორმულასთან საუბრისას.

მისივე თქმით, ევროპარლამენტი განაგრძობს საქართველოს ტერიტორიული მთლიანობისა და სუვერენიტეტის მხარდაჭერას.

13 თებერვალს ევროპარლამენტში ასოცირების ხელშეკრულებით გათვალისწინებული ერთობლივი რეზოლუცია ჩავარდა. საბოლოო ვერსიის მხარდასაჭერად ევროპარლამენტისა და საქართველოს პარლამენტის დეპუტატების უმრავლესობის მხარდაჭერა იყო საჭირო.

რეზოლუციის შესწორებები მოამზადეს მმართველი გუნდის წარმომადგენლებმა, ოპოზიციამ და, ასევე, ევროპარლამენტარების ნაწილმა. ქართულმა ოცნებამ სწორედ ოპოზიციის შესწორებებს არ დაუჭირა მხარი.