თბილისის მასშტაბით 10 რაიონიდან 8-ში მოქალაქეებს წყლის მიწოდების პრობლემა აქვთ. ჯამში კი წყალი 100-ზე მეტი ქუჩის მაცხოვრებელს არ მიეწოდება.

უწყლოდ დარჩენილი მოქალაქეები Gwp-სთან დღეს აქციის გამართვასაც კი გეგმავენ 15:00-დან, 15:05-მდე, თანაც საკმაოდ ორიგინალური და უჩვეულო ხერხით.

"უწყლობით გამწარებული ერი მივიჭრათ GWP-სთან წლის პისტოლეტებით
და უკან გამოვიჭრათ, რამეთუ პისტოლეტში ჩასასხმელი წყალი არ გვექნება.
27-ე საუკუნეში, GWP-ს მმართველობა რომ დაემხობა, ამ დღეს წყლის პისტოლეტების ფესტივალი დავაარსოთ, ტურისტები მოვიზიდოთ და წყალი გადავუკეტოთ ხოლმე, ვიხალისებთ", — წერია საგანგებოდ შექმნილ ივენთზე, სადაც უკვე ათობით ადამიანი გამოთქვამს სურვილს აქციას დაესწროს.

ვებგვერდის მიხედვით, წყლის შეწყვეტის მიზეზი ქსელზე არსებული დაზიანებებია.