სოციალურმა ქსელმა Facebook-მა რუსეთის სპეცსამსახურებთან დაკავშირებული ანგარიშები წაშალა, რომლებიც ძირითადად უკრაინასა და მეზობელ ქვეყნებზე მუშაობდნენ. ჯამში წაიშალა რუსეთთან დაკავშირებული Facebook-ის 78 ანგარიში, 11 გვერდი, 29 ჯგუფი და Instagram-ის ოთხი ანგარიში.

გამოძიების შემდეგ Facebook-მა დაადგინა, რომ ანგარიშების კოორდინირებული მუშაობა ყალბი ინფორმაციის გავრცელებისკენ იყო მიმართული და თავის მხრივ რუსეთის სამხედრო სადაზვერვო სამსახურებთან იყო დაკავშირებული.

როგორც სოციალური ქსელი განმარტავს, ამ ანგარიშების უკან მდგარი ადამიანები საკუთარ თავს ადგილობრივებად ასაღებდნენ და თავიანთ ყალბ ანგარიშებს ჯგუფებისა და გვერდების სამართავად, ასევე, სხვადასხვა კონტენტზე კომენტარის დასაწერად იყენებდნენ. ადგილობრივ და საერთაშორისო პოლიტიკურ მოვლენებზე კონტენტი ძირითადად რუსულ, ინგლისურ და უკრაინულ ენებზე ვრცელდებოდა და ეხებოდა როგორც უკრაინის საჯარო პირებს, ასევე სირიაში რუსეთის მოქმედებებს, ყირიმში "ეთნიკურ დაპირისპირებასა" და უკრაინაში მალაიზიური ბოინგის ჩამოვარდნას.

ამავე თემაზე: