უმრავლესობის ყოფილი წევრი და დამოიკიდებელი დეპუტატი, ბექა ნაცლიშვილი ახალ პოლიტიკურ ძალას ქმნის. ამის შესახებ მან დღეს, 12 თებერვალს, გამართულ პრესკონფერენციაზე განაცხადა. მისი თქმით, ახალი პოლიტიკური ძალა ქვეყანას "პოზიტიურ ალტერნატივას" შესთავაზებს, რომელიც პოლიტიკური კრიზისიდან გამოიყვანს.

როგორც ნაცვლიშვილი ამბობს, ახალ გაერთიანებაში შესაძლოა უმრავლესობის ყოფილი წევრებიც შევიდნდნენ.

"მიდის მოლაპარაკების პროცესი. შეიძლება მოხდეს გაერთიანება ძალიან საღი და ამ ქვეყნისთვის გულანთებული ადამიანების, რომლებსაც ექნებათ ერთი ხედვა და შესაბამისად ერთი პლატფორმა. რომლის საფუძველზეც შეთავაზებული იქნება საზოგადოებისთვის ქვეყნის კრიზისიდან გამოსვლის გზა და შესაბამისად პოლიტიკური პროცესების ნორმალიზების გზა", — განაცხადა ნაცვლიშვილმა.

ბექა ნაცვლიშვილმა უმრავლესობა მას შემდეგ დატოვა, რაც პარლამენტმა მისი კანონპროექტი ჩააგდო, რომელიც დაგროვებითი პენსიას ეხებოდა.