ყოფილი პრეზიდენტი გიორგი მარგველაშვილი ამბობს, რომ ვეღარ ვხედავს ვერც მისთვის და ვერც სხვა ადამიანებისთვის იმ კომფორტს, რომ ქვეყანაში მიმდინარე პოლიტიკურ მოვლენებს გვერდიდან უყურონ.

მისი თქმით, ყველა უნდა გამოვიდეს კომფორტის ზონიდან არა რომელიმე პარტიისა და ლიდერის მხარდასაჭერად, არამედ იმისთვის, რომ ისეთი ქვეყანა არ მიიღონ, რომლისაც მომავალში "შერცხვებათ".

"ჩვენ არ გვაქვს კომფორტი. მაშინ გამოდის კომიკური მთელი ის, რაც მანამდე გვიკეთებია: მეც, ალასანიასაც, კვირიკაშვილსაც... სამწუხაროდ, კომფორტის ზონა მთავრდება. აქ არ არის იმაზე ლეიბორისტების ხარ, ნაციონალების, თავისუფალი დემოკრატების თუ ვინ ხარ. თამაშის მოედანს გადააქცევენ პროვინციულ დიქტატურად. ეს აბსურდულს ქმნის მთელს ჩვენს ნაცხოვრებ ცხოვრებას. გამოდის, რომ ტყუილად ვიტანჯეთ", — განაცხადა გიორგი მარგველაშვილმა TV პირველის ეთერში.